伴我同行　今到政總守護孩子

《拒絕握手》
習慣做騷的梁振英昨到政總外與學民思潮會面，召集人黃之鋒（右）拒絕與梁握手。程志遠攝

《反洗腦》
【本報訊】雨點灑過，烈日照得瓦磚上每滴空氣都沸騰；天空太大，孩子竟然要承擔起整個世界。學民思潮餐風露宿3天，抵擋了權貴的廉價關懷，不亢不卑先於長輩抵擋高牆，他們走着走着，已經失望了一年零三個月，今晚絕食終結，他們將再次在廣場上面對結果。有一天，孩子問到2012年的9月1日，身為父母的你，是不是可以驕傲的說，「推翻高牆，哪管它多高多大，這一天，你身旁就是我的足印」。
記者：張嘉雯、韓耀庭、吳嘉羚、潘柏林

九萬人上街反洗腦後，學民思潮繼續抗爭。昨晨8時許，雷暴警告未除，約40名在政總外紮營的學民思潮成員仍然堅持着，部份人醒來整理露宿物資，部份在帳營中淺睡，包括絕食的林朗彥、黃莉莉和凱撒。驟雨忽至，同學們狼狽收起物資，齊心合力架起帳篷擋雨。雨後放晴，他們用報紙抹乾帳營內的積水，把濕透的鞋和襪攤開曬乾，其後以上網、做暑期作業、聽音樂打發時間。

林朗彥

黃莉莉

凱撒

黃莉莉血糖低需補充

絕食三人中，身形較瘦削的黃莉莉昨晚血糖過低，醫護人員認為若不即時補充將有危險，學民接納建議，黃現時間中飲用葡萄糖水，神志清醒。她昨午接受訪問時曾表示擔心會暈倒，「不過既然做咗，就一定要堅持落去，就算我真係暈低，畀人救出去，我都盡過力去堅持」。她希望政府撤回此科，「第時我可以同我嘅仔女講，當年香港有科叫國民教育科，我有盡我嘅努力去令佢撤回，令到你唔會畀人洗腦，我會自豪」。

凱撒：餓幾日算係咩

另一名絕食學生林朗彥希望能起帶頭作用，感動市民，又直言事前聽到不少阻撓意見，「唔少人都會覺得咁做係徒勞無功，政府唔會理，但係我哋應承過市民，喺罷課之前一定會用盡一切辦法去阻止政府設立國民教育科，絕食係其中一個激進方法」。
他更提到23年前的八九民運，「嗰陣嘅社會係不民主，同現時香港社會有相似……要話畀香港人知國民教育會影響民主發展，到時就算有普選都冇用，個個都畀人洗晒腦」。他對今次行動絕不後悔，「唔做仲後悔！」
至於凱撒，他表示理解教師未必能站在最前線，「唔會怪老師，反而年輕人有責任更進取，帶領呢個社會，家嘅香港似文革嗰陣，如果學生唔出來，到時仲後悔」，又說「餓幾日算係咩？」
曾參加7.29九萬人反國民教育大遊行的蔡太，昨帶同4歲兒子蔡兆聰到政府總部聲援，向兒子解釋「今日一班哥哥姐姐唔食飯，就係為咗你呀……佢哋有家歸不得，唔食嘢，唔係為咗玩，而係為咗我哋」。她說身為家長，必須站出來。「如果我哋仲留喺屋企飲飲食食，就不如呢群年輕人，點解我哋可以咁厚顏坐喺屋企？」
家長余先生也特地抱5歲女兒到政府總部，着女兒「同哥哥姐姐講多謝」，逐一向學民思潮3位絕食者致謝，「呢班學生已經18歲，就算家小學推行國民教育都唔影響佢哋，佢哋唔係為自己絕食，而係為咗我個女」。又讚揚學民比許多成年人更懂事，「能夠有勇氣絕食，係為香港，比好多大人更識思考」。傍晚時分，來聲援的人越來越多，現場多達500人，不少是教師，亦有家長前來送飯、送湯給子女，有巿民更送來風扇和床鋪。
學民成員阿水的母親李太，昨天送來響螺湯和四季豆。阿水兩年前患上紅斑狼瘡症，免疫力和抵抗力不佳，不能被太陽直曬，每天要服類固醇，「我擔心佢身體捱唔住，但佢堅持，我都會支持，我希望政府盡快撤回國民教育，我唔使再擔心仔仔身體，香港人唔使擔心洗腦。」